profesores.sytes.net

Máis bofetadas... Licenzas por estudos.

2005-12-01T22:26:00.000+01:00

Na última mesa sectorial os ¿nosos? representantes sindicais trataron coa administración inminente publicación da oferta de licenzas por estudos.

En anteriores concovatorias vense producindo agravios comparativos entre traballadores, ó conceder licenzas de diferente duración polos mesmos estudos realizados. Así a un mestre outórgaselle unha licenza dun ano completo para unha licenciatura e a un profesor de secundaria un cuatrimestre para a mesma licenciatura. Nós entendemos que “a mesmos estudos realizados, mesma duración da licenza” pero parece que seguiremos nas mesmas....

Ademais, os permisos cuatrimestrais, están a provocar problemas organizativos nos centros, ó non finalizar co remate do curso, co que o profesor sustituto non pode avaliar ós alumnos ós que impartiu clase na última avaliación, ó regresar o profesor titular nos últimos días do curso.

Datos da última convocatoria:

Licenzas cuadrimestrais para finalizar unha licenciatura asignadas ó Corpo de Profesores de Secundaria (todas as especialidades):

Licenzas Anuais para finalizar a mesma licenciatura asignadas ó Corpo de Mestres:

¿Por qué pensamos que é importante que as vacantes do 1º ciclo se adxudiquen a profesores de Secundaria?

2005-11-15T21:07:00.000+01:00

1º Porque así o establecen as sucesivas leis dende a LOXSE.

2º Porque o non poder impartir os mestres no resto da secundaria provoca:

2.1 Sobrecarga no horario do resto do profesorado (chegándose a situacións absurdas como que o xefe dun departamento non poida ter as reduccións correspondentes e chegue a impartir máis horas de clase que outros membros).

2.2 A obriga de ter que impartir afíns no 2º ciclo provocando un efecto en cascada. (Aínda habendo horas do propio departamento).

2.3 Imposibilidade de atender á diversidade no 2º ciclo: PDC, agrupamentos, apoios, (Ó non poder impartir os mestres adscritos).

3º Para evitar supresións inxustas (Un docente con maior antiguedade no centro e no corpo pode ser desprazado por outro do seu departameno)

4º Porque no Corpo de Profesores de Secundaria a mobilidade é moito máis limitada que noutros corpos docentes. Entendemos que os mestres que xa están adscritos ó primeiro ciclo da ESO teñan dereito a permanecer, pero non que os actuais mestres de primaria teñan preferencia a optar a prazas de secundaria.

5º Xa estamos obrigados a impartir en 1º e 2º da ESO (Sen que ninguén nos consultara). ¿Por qué non podemos concursar a esas vacantes?

Estamos convencidos de que reclamamos algo xusto e por iso chegaremos ata onde faga falla para conseguilo.

( vacantes 1º ciclo ESO matemáticas. Concurso 2005-2006:

11 vacantes para Mestres e 5 para Profesores de Matemáticas de Secundaria!!!!)

(Vacantes de Ciencias en toda a ESO e Bacharelatos. Concurso 2005-2006)

CONCLUSIÓNS DAS PRIMEIRAS XORNADAS SOBRE O ENSINO SECUNDARIO

2005-11-08T23:39:00.000+01:00

Máis información UCPL

A LOE ATENTA AÍNDA MÁIS GRAVEMENTE QUE A LOXSE CONTRA O PROFESORADO DE SECUNDARIA.

(Descargar comunicado)

Conclusión máis importantes das Primeiras Xornadas sobre o Ensino Secundario:

- Obrigatoriedade a todos os alumnos a estudiar o mesmo hasta os 16 anos sen que a Administración e o Sistema Educativo atendan ós intereses do alumnado e as súas familias.

- Posibilidade de que Equipos Docentes cambien calificacións dun profesor desautorizando a súa labor docente.

- Disminución das competencias do Director en favor do Consello Escolar no que a mitade dos compoñentes non son profesionais da educación.

- Rebaixa da formación inicial do profesorado de secundaria na súa especialidade de cinco a tres años.

- O profesorado de secundaria podrá ser obrigado a impartir asignaturas de otras especialidades.

- Establécese a perpetuidade a entrada dos mestres para impartir clases en toda a secundaria sen necesidade de oposicións nin de a titulación superior esixida ata agora.

- Os alumnos de Secundaria perderán o dereito de ter profesores especialistas en cada materia.

- Contra a opinión prácticamente unánime do profesorado non se estabrece un Bacharelato de 3 anos como na maioría dos demáis países europeos.

- O modelo educativo proposto na LOE non aporta ningunha solución válida aos graves problemas que sofre o noso sistema educativo, evidenciados xa no último informe PISA.
- Promoción automática do mesmo xeito que na LOCE.

Desaproveitase unha gran oportunidade para chegar a unha lei consensuada con todos os partidos políticos polo que, se no ano 2008 producese un novo cambio de Goberno, a LOE tampouco chegará a implantarse. En catro anos teríanse tres leis xerais .

I XORNADAS DA FEDERACIÓN DE SINDICATOS DE PROFESORES DE ENSINO SECUNDARIO (FPS )

2005-11-01T16:13:00.000+01:00

A Federación Sindical de Profesores de Secundaria organiza durante os días 5 e 6 de novembro de 2005 na Sala de Actos do Ateneo de Madrid, o I Encontro de profesores e asociacións de Secundaria.

Programa da xuntanza

Complemento por impartir na ESO...

2005-11-01T16:01:00.000+01:00

A Asociación de Profesores de Secundaria de Castela-León consegue que profesores de secundaria comecen a cobrar o complemento por impartir clases na ESO.

Aquí tedes unha copia dunha nómina na que podedes comprobar os importes percibidos en concepto de atrasos: 4.605 €.

¿Sabedes dalgún sindicato con representación en Galicia que asuma esta reivindicación?

Concurso de traslados 2005/2006

2005-11-01T01:27:00.000+01:00

No pasado curso 2004/2005 (e anteriores) o profesorado de secundaria viuse privado da posibilidade de concursar a cerca do 40% das vacantes de instituto. E non porque non saíran a concurso, senón que foron asignadas a outros corpos docentes que estaban temporalmente adscritos. Neste curso especialidades coma Bioloxía perden máis do 50% das vacantes.

Todos os anos unha cantidade considerable de mestres que están impartindo clases en centros de primaria conseguen unha plaza en propiedade en instituto. Aínda que moita xente non está informada, isto volverá a ocorrer no presente concurso (2005/2006) e como sempre grazas á presión que fan os sindicatos á administración. Este ano estímase que cerca do 70% das vacantes de 1º ciclo da ESO voltarán a ser adxudicadas a mestres. Non satisfeitos con isto, a CIG solicita á Consellería que oferte 51 novas prazas de ESO máis no concurso de Primaria, o que significa que as vacantes de toda a ESO para mestres duplican as ofertadas ós lexítimos destinatarios: Profesores de Secundaria. Curiosamente nin CIG, nin ANPE nin CSI/CSIF fan público ningún dato referente á situación do concurso de traslados de secundaria nos seus portais. CCOO e UGT non teñen páxina web.

Gostaríanos crer que en Primaria hai máis problemas de mobilidade, pero isto non é así, pois o número de vacantes para mestres (440) practicamente duplica as vacantes que saen para toda a Secundaria incluíndo Bacharelatos (No ano 1995: 15.000 mestres e 11.000 profesores de secundaria). No caso de Bioloxía o 54% das vacantes de instituto son para mestres. No caso de matemáticas ou Galego pérdense o 30% das vacantes. "Algúns" consideran que as máis de 40 vacantes de instituto que adxudican a mestres son insuficientes. Efectivamente 40 dun total de 440 vacantes ás que poden optar os mestres non son moitas. Pero o caso é que o profesorado de secundaria afectado só pode concursar a un total de cerca de 90 vacantes.
Aquí podedes ver a distribución de vacantes no concurso 2005/2006
Se non dades crédito a isto podedes chamar ao voso sindicato ou preguntarlle ao voso representante cando pase polo centro (se é que pasa antes de que remate o concurso, por suposto). CIG, CCOO, ANPE, etc, reclaman abertamente nas mesas sectoriais que a totalidade das vacantes de 1º ciclo se adxudiquen a mestres.

A quén representan os sindicatos docentes?

2005-11-01T01:26:00.000+01:00

Cando se implantou a LOXSE, o Profesorado de Ensinanzas Medias (antigo BUP), foi apartado (sen períodos de adaptación transitorios) da docencia na Formación Profesional. Obrigóuselle a impartir clase no ensino obrigatorio co conseguinte deterioro das súas condición laborais, conxelóuselle o soldo durante unha década e se lle impuxo facer tarefas que ata o momento eran inimaxinables: gardas de recreo, tarefas administrativas, etc.

Máis de dez anos despois, aledámonos de que outros corpos docentes viran reducidos os seus horarios, ampliada a súa mobilidade e os seu salarios. Agora, entendemos que chegou o momento de comezar a reparar as nosas condicións laborais.
1º Esiximos cobrar o complemento por impartir clases na ESO que xa están cobrando noutros corpos docentes e no mesmo corpo de profesores de ensino secundario doutras comunidades.
2º Esiximos poder concursar (tal e como establece a LOXSE) ás prazas do 1º ciclo da ESO. Se estamos obrigados a dar clase nese nivel, temos o dereito de poder concursar a esas vacantes ( Actualmente, cerca de 2/3 das vacantes do 1º ciclo séguense a ofertar no concurso de traslados de Primaria)
3º Esiximos que se minimicen as supresións, que estas sexan aplicadas pola antigüidade no centro en vez de a antigüidade no corpo, e que ningún profesor de secundaria sexa expulsado do seu posto de traballo debido a presenza doutros docentres adscritos.
4º E o máis importante, ESIXIMOS TER REPRESENTACIÓN SINDICAL. Dado o punto de corporativismo ao que chegaron certos sectores docentes dentro dos sindicatos é necesario crear unha mesa sindical de Secundaria)
As actuais forzas sindicais , non só non representan ao profesorado de secundaria senón que defenden intereses corporativos contrapostos, como ben se pode comprobar nas sucesivas mesas sectoriais. Nesas xuntas, trátase de todo menos dos problemas do Ensino Secundario. Estes problemas son sistematicamente ignorados polos sindicatos, cando non agravados pola súa intervención.

Circular nº 1

2005-11-01T01:23:00.000+01:00

Aquí podes descargar as conclusións da primeira reunión mantida entre un grupo de profesores preocupados polo deterioro da súa situación laboral.
É importante que lle deamos a máxima difusión: colgalo no taoeiro, imprimir unha copia para ós colegas...

Benvidos a un espazo plural

2005-11-01T01:09:00.000+01:00

Un grupo de profesores de ensino secundario contrariado e decepcionado pola súa situación profesional, a miúdo ignorado polos seus representantes sindicais e pola propia administración, decide desde hoxe e progresivamente dar a coñecer a súa “realidade” profesional agardando que sexa de interese e compartida por todos os compañeiros e compañeiras afectados.

Non é un proxecto de acción exclusivamente ideológico nin de procurar enfrontamentos con ninguén, só a defensa decidida dos nosos intereses.
Solicitamos que dedes publicidade e cobertura a esta páxina nos vosos centros.